Новата гол машина во Бундеслигата: Како разиграниот Гираси го надмина рекордот на Левандовски (ВИДЕО)

Штутгарт е најпријатното изненадување во досегашниот тек на Бундеслигата, тим кој по седум кола е на второто место на табелата пред актуелните шампиони и вицешампиони, Баерн Минхен и Борусија Дортмунд (17), односно пред него е само Баер Леверкузен.

Најзаслужен за овие резултати на Штутгарт дефинитивно е напаѓачот Серу Гираси кој игра во врвна форма и е незапирлив во оваа кампања.

Тој зад своето име има дури 13 погодоци со што е нов рекорд, поточно ниту еден играч во оваа фаза на шампионатот немал ваков учинок.

Французинот кој веќе настапува под знамето на Гвинеја го надмина Роберт Левандовски кој досега беше најфикасен по седум рунди со 11 голови, односно ова покажува со каква самодоверба игра Гираси и колку лесно ги матира противниците и тоа во еден тим како Штутгарт кој лани едвај се спаси да не испадне во втората лига.

Во продолжение погледнете ги сите голови на Серу по седумте одиграни кола.