Новата „десетка“ на Шпанија доби шанса да дебитира и воодушеви со првиот допир со топката (Видео)

Брајан Сарагоса го сврте вниманието кон себе благодарение на фантастичните партии кои ги нуди во дресот на Гранада, но особено добар беше изминатиот викенд кога беше незадржлив за одбраната на Барселона.

Младиот крилен фудбалер ги излуде дефанзивците на Чави Ернандес и ги постигна двата гола во ремито од 2:2, по што експресно доби повик за шпанската репрезентација и беше дополнително повикан за овој квалификациски циклус.

Брајан вчера првпат го облече дресот на Шпанија и доби шанса на стартот на вториот дел, а веќе при првиот допир со топката само покажа за каков дриблер станува збор.

Брзината и снаодливите потези се најголемиот квалитет на Сарагоса, кој откако дебитираше со победа од 2:0 призна дека не можел да спие изминатите неколку дена.

– Ова што ми се случи изминативе неколку дена не е нормално. Кога пристигнав во репрезентацијата, побарав да ми дадат нешто за спиење, бидејќи ова за мене не е нормално. Се надевам дека сум добар пример за децата, треба да си ги следат соништата, – изјави Брајан.

El primer balón que tocaba con la Selección absoluta y hace esto. Bryan Zaragoza es especial, mucha personalidad y descarado como pocos.
pic.twitter.com/9z5AZkCCsc

— Pol Alonso 🎙⚽ (@Polyccio8) October 12, 2023