Новак тренира како вистински воин, Иванишевиќ е најголем песимист

Новак Ѓоковиќ тренира како Роки Балбоа во Црна Гора и се подготвува со максимално залагање за Ју-Ес Опен, иако реалните шанси да настапи на четвртиот грен слем во годината се минимални.

Поради својот вакцинален статус, Новак нема дозвола за влез во Америка и речиси никакви се шансите дека ќе дојде до смена на ова правило во Америка, па оттаму и надежите кои ги има Горан Иванишевиќ за престој на неговиот пулен во Њујорк.

Ѓоковиќ тренира како Роки во Црна Гора (ВИДЕО)

Хрватот го следи Новак на секој турнир откако овој раскина со Вајда на стартот на оваа сезона, а иако надежта последна умира, Иванишевиќ сепак нема преголема верба во претседателот на САД, Џо Бајден.

– Секогаш постои надеж, надежта последна умира. Новак тренира, прави се како да ќе игра таму. Можеби ќе добие некоја специјална виза, но реалноста е дека остануваат уште само две седмици.

– Да бидам искрен, лично имам нула надежи дека Џо Бајден ќе ги промени правилата пред стартот на турнирот во Њујорк, – вели Иванишевиќ за „Ла Република“.