Нова сериозна повреда: Премиерлигашки фудбалер ќе отсуствува до крајот на сезоната

Фудбалерите се под зголемен ризик од сериозни повреди поради се поголемиот број натпревари кои ги играат, а сезонава веќе неколку членови на екипите од најсилните лиги завршија со повреди поради кои нема да се вратат до крајот на сезоната.

Во моментите кога Манчестер Сити треба да потврди колку долго ќе трае паузата на Родри, од таборот на Вулверхемптон стигна информација дека важен играч дефинитивно нема да настапува повторно оваа сезона.

Се работи за колумбискиот репрезентативец Јерсон Москера кој заработи повреда во финишот на средбата со Астон Вила и беше изнесен на носилка од теренот.

Москера ги скинал лигаментите на коленото и наскоро ќе биде опериран, по што следува долг процес на рехабилитација и ќе мора да размислува за следната сезона и предизвиците во неа.

Колумбиецот беше стартер на сите пет досегашни натпревари на „волците“, па јасно е дека неговото отсуство ќе биде голем удар за екипата која и онака има лош старт во Премиер лигата.