Нова сензација во Њујорк: Попирин го шокираше Ѓоковиќ

Новак Ѓоковиќ нема да може да се бори за трофејот на годинешното издание на Ју Ес Опен, бидејќи утринава беше изненаден од австралискиот ривал Алексеј Попирин.

Еден од големите фаворити за трофејот не успеа да го помине третото коло и загуби во четири сета, во меч во кој противникот за 200 минути стигна до најголемата победа во досегашната кариера.

Попирин ги доби првите два сета со 6:4, Ѓоковиќ успеа да намали откако го доби третиот сет со 6:2, но следуваше уште еден сет во кој Австралиецот направи еден брејк повеќе за 6:4 и голем триумф во Њујорк.

Ѓоковиќ не бил елиминиран толку рано на Ју Ес Опен цели 18 години, а неговата елиминација доаѓа ден подоцна откако со турнирот се збогуваше и Карлос Алкарас.

Следен противник на Попирин ќе биде Френсис Тиафо.