Нова победа на Македонија во подготвителниот период: Во Скопје падна Израел

Ракометната репрезентација на Македонија ја славеше третата победа од исто токлку тест натпревари во  подготвителниот период пред настап на Европското првенство.

Во Спортскиот центар „Борис Трајоквски“ со 31: 28 беше совладана селекцијата на Израел која сериозно ги „испоти“ избраниците на Кире Лазаров.

Натпреварот започна подобро за гостите од Израел кои брзо стигнаа до позитива од 4:1, а кон средината на полувремето ние се вративме во игра и го презедовме водството. Сепак, на пауза се замина со предност на гостинскиот тим (15:14).

Во второто полувреме „црвено- жолтите“ заиграа многу подобро и на крај запишаа заслужена победа изразена со три гола позитива.

Играчот на Еурофарм Пелситер, Ненад Костески со пет гола беше најефикасен  на оваа средба, додека по четири пати мрежата на Израел ја тресеа Филип Кузмановски и Цветан Кузманоски.