Поврзете се со нас

Шпанија

Нова дефанзивна техника: Стоперот на Алавес го влечеше Марсело за коса, судиите во ВАР останаа „слепи“ (Видео)

Објавено

на

blank

Фудбалерите на Реал Мадрид жестоко протестираа кога не му беше досуден пенал на Еден Азар кога беше соборен во шеснаесетникот, но фановите на „кралскиот клуб“ по новиот непосакуван пораз се повеќе бесни за една ситуација од пред крајот на првиот дел, која навистина нејасно е зошто не беше прегледана од ВАР.

По незгодниот дуел кој го имаше, Азар заработи повреда и беше заменет, но Реал не доби пенал и во судиското продолжение од првото полувреме во кое бевме сведоци на една нависитна необична и несекојдневна ситуација.

Стоперот Виктор Лагуардија не бираше средства и смисли нова техника за спречување на противнички напад, повлекувајќи го Бразилецот Марсело за неговата долга коса на работ од шеснаесетникот. Ситуацијата беше навистина спорна и милиметри одлучуваа да прекршокот е во шеснаесетникот, но иако фановите на Реал се убедени дека станува збор за пенал, овој спорен момент не беше ниту прегледан.

Главниот судија Вега не го забележа овој несекојдневен дуел, а „слепи“ останаа и луѓето во ВАР кои немаа никаква реакција. На тој начин, Лагуардија мина без никаква казна и опомена, а Реал остана без пенал и во втората спорна ситуација во шеснаесетникот на гостите кои на крајот победија со 1:2.

Реклама
Реклама
Реклама

Facebook

Популарни