Нова „бомба“ во НБА: Дурент си замина од Бруклин, лигата доби „нова голема тројка“

НБА клубовите се активни на „трансфер пазарот“, периодот наменет за промени, размени, па така во завршницата видовме голем трејд при кој од Бруклин Нетс си замина и втората голема ѕвезда, Кевин Дурент.

Пред неколку дена Кајри Ирвинг беше испратен во Далас Маверикс за да информациите кои доаѓаат од САД велат дека популарниот Кеј-Ди оди во Феникс Санс заедно со Ти Џеј Ворен, додека пак Нетс за возрат ги добиваат Микал Бриџис, Кем Џонсон, Џо Краудер, четири пикови од првата рунда и размена на пик од 2028 година.

Со ова официјално се растури големата тројка на Бруклин од која претходно беше дел и Џејмс Харден, играч кој пак сега ги брани боите на Филаделфија. Џејмс, Кевин и Кајри требаше да донесе револуција во овој тим, да донесат титула, ама целиот тој план не се релизираше и сега составот од Њујорк тргна во целосна реконструкција.

Од друга страна пак сега Феникс доби на располгање три супер квалитетни играчи, поточно на Крис Пол и Девин Букер (плус тука е центарот Ејтон) им се приклучи Дурент што дефинитивно ги прави и тоа како сериозен тим за највискоки дострели.

Кевин во досегашната кариерта беше дел од Сиетл Суперсоникс/Охлахома Сити Тандер и Голден Стејт Вориорс каде освои два шампионски прстени.