Нов заинтересиран тим за Стефан Ристовски, за репрезентативецот загриза редовен учесник во Лигата на шампионите

Македонскиот репрезентативец, Стефан Ристовски веројатн ќе има нов клуб овој јануари и ќе стави крај на голготата која ја поминува во редовите на Спортинг Лисабон каде повеќе од шест месеци неговиот првотимски статус е „замрзнат“.

Во минатото се пишуваше дека Брага, Локомотив Мосвка, Спартак Москва и АЕК се заинтересирани за услугите на Ристовски, а сега од медиумите од Грција доаѓа информација дека и Олимпијакос сериозно се заинтересирал за неговиот потпис.

Тренерот на Олимпијакос, Педро Мартинс побарал детална анализа од Португалија за игрите на нашиот Ристовски и добил само пофални зборови по што одлучил да тргне по неговиот потпис.

Ристовски во Пиреа би се преселил првично како позајмен фудбалер, а Олимпијакос потоа ќе има право да го откупи неговиот договор.

Инаку, грчкиот гигант Олимпијакос е редовен учесник во Лигата на шампионите, а оваа сезона грчкиот тим беше во тешка група со Манчестер Сити, Порто и Марсеј и успеа да го освои третото место во групата пласирајќи се во елиминационите фази од Лига Европа.