Нов удар за шампионот: Коваленко со убав гол го шокираше Наполи во Неапол (ВИДЕО)

Фудбалерите на Емполи остварија изненадувачка победа над Наполи (1-0) во премиерниот натпревар од денешната програма во Серија А.

Актуелниот шампион влезе со јасна и единствена цел во овој меч, освојување на трите бода, меѓутоа наполитанците одново покажаа слабости и на крајот претрпеа и пораз кој може да значи крај на етапата на тренерот Руди Гарсија на „Диего Армандо Марадона“.

Домашниот тим не се наметна како што се очекуваше, не создаде доволно шанси, но и во таква ситуација можеше прв да дојде до водство и тоа во 89 минута кога Кварацхелија се најде во идеална прилика, ама Бериша имаше одлична интервенција.

Казната стигна во 91 минута кога Коваленко постигна мајсторски погодок за шок на домаќините, навивачите, а во исто време за огромна радост на сите во Емполи.

Great shot by Viktor Kovalenko. Empoli was leading 1-0 away against Napoli in the last moments!pic.twitter.com/v5CtBov7fO

— FootColic ⚽️ (@FootColic) November 12, 2023

Нашиот Елиф Елмас беше стартер и беше активен до 54 минута. Наполи со 23 бода останува на 4 позиција,  Емполи пак сега има 10 поени и излезе од зоната која води во Серија Б.