Нов удар за Реал: Винисиус се повреди во поразот на Бразил

Реал Мадрид мора да се соочи со уште еден голем проблем во однос на повредените фудбалери, бидејќи утринава Винисиус беше принудно заменет на дуелот меѓу Колумбија и Бразил.

По само 27 минути на теренот, ѕвездата на шпанскиот клуб и бразилската репрезентација го напушти теренот со очигледна болка и фрустрација поради настаната ситуација, па сега лекарскиот тим на Реал ќе го очекува враќањето на Винисиус за да утврди за каков проблем се работи.

Самиот Винисиус по натпреварот прогнозирал дека се работи за истата повреда од почетокот на сезоната, но и дека дополнителните прегледи ќе мора да го потврдат тоа.

Засега е рано да се прогнозира колку би траела паузата на Бразилецот, но шпанските медиуми сметаат дека за него веројатно годината е завршена, со оглед на тоа што Реал има обврски до божиќната пауза која започнува на 20. декември.

¡ASÍ SE FUE AL VESTUARIO VINICIUS!

Tras los primeros 45 minutos de juego, el delantero de Brasil se retiró del campo de juego rengueando y con hielo en el cuádriceps. La Verdeamarela se impuso en la primera etapa 1-0 ante Colombia por la fecha 5. #EliminatoriasEnTyCSports pic.twitter.com/ez9BpWMnwx

— TyC Sports (@TyCSports) November 17, 2023

Пред само неколку дена стана јасно дека Реал до јануари нема да смета на Емануел Камавинга, а од претходно повредени се и Чуамени, Ѓулер, Кепа, Куртоа и Милитао.