Нов удар за Баерн: Компани остана без уште еден дефанзивец на подолг период

Баерн Минхен вчера успеа да го победи амбициозниот тим на Ст. Паули, но овој позитивен резултат доаѓа во комбинација со уште една лоша вест за тренерот Венсан Компани.

Само неколку дена откако стана јасно дека Алфонсо Дејвис и Дајо Упамекано ќе отсуствуваат подолг период, сериозна повреда заработил и Хироки Ито.

Јапонскиот фудбалер се пожали на болка во финишот на средбата, а утринава Баерн ги потврди првичните стравувања дека заработил фрактура на стапалото на кое имаше идентичен проблем и претходно.

Бундеслигашот ја информираше јавноста дека Ито заработил фрактура на коска на стапалото и го очекува принудна пауза.

Баварците вчера го имаа искористено правото на замени и мораа да го доиграат дуелот со Ст. Паули со играч помалку, бидејќи Ито не можеше да се врати во игра и по лекарската интервенција.