Нов удар за Алегри: Јувентус остана без уште еден играч од средниот ред

Јувентус доживеа пораз на гостувањето кај Наполи и тимот на Макс Алегри ќе биде под притисок да оствари позитивен резултат на претстојното дерби со Аталанта, еден од директните ривали за Топ 4 пласман сезонава во Серија А.

Тренерот Макс Алегри денеска добил уште една непријатна информација, која секако ќе расипе дел од неговите планови, а се работи за повреден фудбалер.

На принудна пауза оди Карлос Алкарас, аргентинскиот фудбалер кој од неодамна игра на заем во составот на Алегри, а се очекуваше повторно да добие шанса во првиот тим, исто како и на дербито со Наполи.

Повредата на Алкарас најавува негово отсуство најмалку две недели, а реално играчот за врска ќе мине околу еден месец во рехабилитациска фаза.

Тоа значи дека Алегри не може да смета на уште еден фудбалер во сегментот каде недостасува Адријан Рабио, а поради суспензии во конкуренција не се Погба и Фаџоли.

Вестон МекКени е во трка со времето за евентуален настап против Аталанта и ситуацијата со него ќе биде појасна во сабота, кога тренерот на Јувентус ќе ја одржи вообичаената прес-конференција.