Нов трансфер во Формула 1 – Џек Духан!

Австралискиот возач Џек Духан следната сезона ќе вози за Алпин во Формула 1 шампионатот, соопшти денеска францускиот тим.

Духан ќе го замени Естебан Окон, кој на крајот од сезоната го напушта тимот и ќе вози заедно со Пјер Гасли. Окон следната година ќе вози за Хаас.

Австралискиот 21-годишен возач потпиша едногодишен договор. Минатата година беше трет во Формула 2, а од 2023 година е резервен возач на Алпин.

„Многу сум благодарен за довербата што ми ја дава менаџментот. Има многу работа пред нас да се подготвиме, а во меѓувреме ќе дадам се од себе да апсорбирам што е можно повеќе информации и знаење за да бидам подготвен да скокнеме. “, рече Духан.
Тој е син на поранешниот шампион во мотоцикли Мик Духан.