Нов проблем за шампионот: Уште еден играч се повреди кај Интер

Интер им се враќа на домашните обврски по неуспехот во Супер Купот, но пред дуелот со Венеција тренерот Симоне Инѕаги доби неколку лоши вести.

„Нероаѕурите“ не можат да сметаат на Хакан Чалханоглу, Хоакин Кореа, Фраческо Ачерби, листа на која е додаде дефанзивецот Јан Бисек кој според информации ќе паузира меѓу 15-20 дена, листа на која како што стојат работите ќе биде и искусниот Хенрик Мхитарјан.

Ерменецот не го довршил денешниот тренинг поради мускулен проблем и утре ќе оди на дополнителни тестирања за да се види состојбата. Според овие информации се очекува некое време да биде во „аут“, па Зиелински да добие позначајна улога со оглед на тоа што неизвесна е иднината на Фратези на „Џузепе Меаца“.