Нов проблем за МЗТ: Николиќ откри детали за повредата на Кук

МЗТ Скопје беше преслушан од Партизан со 120:67 на средбата од 15. коло во АБА лигата.

Пораз како пораз ќе се заборави со оглед на тоа што истиот дојде од еден од најсилните тимови во оваа конкуренција, тим кој ќе се бори за пехарот, но проблем за „штрковите“ е повредата на едно од последните засилувања Кеандре Кук.

Кук мина само пет минути на теренот, односно мораше предвреме да го напушти теренот, а првите проценки се дека Американецот ќе биде во аут еден месец што секако е удар за составот од Аеродром.

-Му се измести рамото, еден од трите лигаменти му е скинат, или делумно скинат, во Скопје ќе направи магнетна резонанца. Најважно ми е она што моите учи го слушнаа, тоа е дека паузата максимум ќе биде месец дена, -обелодени тренерот Драган Николиќ на прес-конференцијата по мечот во Белград.

Македонскиот првак за нареден ривал во АБА го има Будуќност и тоа на 21 јануари во „Јане Сандански“.