Нов проблем за Јувентус: Фаџоли под истрага, ризикува сериозна казна

Јувентус доживеа голем шок поради позитивниот допинг тест на Пол Погба и фактот што на Французинот му претстои сигурна суспензија, а тренерот Макс Алегри сега треба да се соочи со уште една загрижувачка вест.

Талентираниот Николо Фаџоли е под истрага на обвинителството и може да заработи казна, затоа што наводно се обложувал на илегални платформи.

Обвинителството успеало да ги разоткрие креаторите на одредена илегална платформа за обложување, а меѓу клиентите наводно била и младата ѕвезда на Јувентус.

Обложувањето може да му донесе само парична казна на Фаџоли, но проблем би било ако се утврди дека се обложувал на фудбалски натпревари, нешто што може да повлече поголема суспензија од федерацијата.

Според италијанските медиуми, доколку бидат пронајдени докази, Фаџоли ризикува суспензија до три години.