Нов предизвик: Симиќ повторно ќе игра во Шпанија

Македонскиот репрезентативец, Теодор Симиќ ќе ја продолжи својата кариера во Шпанија, земјата која добра ја познава со оглед на тоа што претходно беше дел од великанот Барселона.

По епизодата во Барселона, центарот се врати на овие простори и тоа со потпис за Игокеа од Босна и Херцеговина кој пак го отстапи на Борац Бања Лука во претходните две сезони. Сега Тео одново се сели на Пиринеите и во иднина ќе биде дел од составот на Прат.

Се работи за клуб од Каталонија, поточно за втор тим, „семејство“ на великанот Хувентуд. Договорот е на една година, а Симиќ со квалитетни изданија може да дојде до повисоко ниво, промоција во „зелено-црните“ каде со успех до пред некоја година настапуваше Ненад Димитријевиќ.

Симиќ ова лето беше дел од македонската селекција до 20 години на ЕП во Полска, турнир на кој беше прв стрелец (нашиот табор) со 12,1 поени, имаше 5 скока и 1,6 асистенции по натпревар.