Нов предизвик: Азар договори преселба во холандски великан

Голем број на клубови го искористија зимскиот преоден рок да направат промени во своите редови, а еден од оние кој беше активен е холандскиот великан ПСВ Ајндховен кој мораше да реагира откако загуби двајца играчи кои завршија во Премиер лигата.

Прво го доведоа Фабио Силва од Вулверхемптон (позајмица), додека пак денеска го добија потписот на белгискиот репрезентативец, Торган Азар.

Тој доаѓа на заем од германскиот прволигаш Борусија Дортмунд.

-Ова е убав клуб со одличен дрес. ПСВ се кандидати за титула на Холандија, активни се во Купот и сè уште играат во европско натпреварување. Јас со нетрпение очекувам да играм на овие големи натпревари, -порача Торган кој во досегашното патување има настапувано за Ленс, Зулте Варегем, Борусија Менхенгладбах и Борусија Дормунд.