Нов кикс на Македонија Ѓорче Петров, разиграниот Башкими дојде до врвот на табелата

Македонија Ѓорче Петров игра лошо во пролетниот дел од шампионатот во Втората македонска лига, па денеска направи нов кикс о освои само бод против Каменица Саса.

„Лавовите“ останаа без „муниција“, односно се задоволија со реми без погодоци, резултат кој е потврда за кризата во скопскиот тим кој во петте натпревари во вториот дел од сезонава освои само 7 од вкупно 15 бодови.

Ова го искористи Башкими кој со триумфот над Охрид од 3-0 сега е израмнет со Македонија на врвот на табелата со по 45 поени.

Демири, Асани и Алексовски беа стрелци на погодоците за овој четврти триумф во низа.

Славеше и третопласираната Брегалница над Осогово со 2-1.

РЕЗУЛТАТИ

БАШКИМИ – ОХРИД 3-0
СКОПЈЕ – ДЕТОНИТ 2-2
КАМЕНИЦА САСА – МАКЕДОНИЈА ЃП 0-0
НОВАЦИ – АРСИМИ 0-2
ОСОГОВО – БРЕГАЛНИЦА 1-2
ПОБЕДА – БЕЛАСИЦА 0-1
ВАРДАР Н. – КОЖУФ 0-2
ВАРДАРСКИ – БОРЕЦ 2-0