Поврзете се со нас

Италија

Нов дефанзивец пристигна во Торино и утре ќе биде промовиран во Јувентус (Видео)

Објавено

на

Фото: https://x.com/juventusfc

Одбраната на Јувентус остана без важни членови поради повреди од почетокот на сезоната, а раководството го исполни ветувањето дека во јануарскиот преоден рок ќе донесе неколку засилувања за дефанзивните позиции.

По Алберто Кошта и Ренато Вејга, од утре нов член на Јувентус ќе биде и Лојд Кели.

Англискиот стопер вечерва пристигнал во Торино, а клубот објави и фотографија од реализација на лекарските прегледи, што значи дека инсистира на забрзана промоција и вклучување на Кели на тренинзите веќе од утре.

Кели доаѓа од редовите на Њукасл, на заем од клубот каде не добиваше соодветна минутажа и ќе се обиде да се избори за повеќе настапи во редовите на „бјанконерите“.

Најавите се дека за заемот ќе бидат платени 3 милиони евра, а ако има обврска за откупување на договорот, италијанскиот состав ќе треба да издвои дополнителни 14 милиони евра.

Вејга кој дојде на заем од Челси денеска веќе дебитираше како стартер за Јуве, а останува да се види кога таква шанса ќе добијат и Кели и Кошта.

Advertisement
Advertisement

Италија

Advertisement

Популарни