Норвешкиот селектор по повредата на Одегард: Артета сигурно нема…

Мартин Одегард заработи повреда на вчерашниот меч против Австрија во Лигата на нации, повреда која може да биде лоша вест за Арсенал пред тешкиот период на натпревари кој ги очекува до крајот на овој месец.

Сите во таборот на „топчиите“ со нетрпение ќе ги очекуваат деталните медицински прегледи, ама првите информации не се добри и за тоа говори и загриженоста на селекторот на Норвешка, Стале Солбакен.

-Изгледаше лошо во соблекувалната. Не можеше да продолжи. Сигурно Артета нема да му се јави вечерва и да ме пофали, -истакна Солбакен.

Инаку клубот од северен Лондон до следнната пауза за репрезентации има дуели со Тотенхем, Аталанта, Манчестер Сити, Болтон, Лестер, ПСЖ и Саутемптон.