Норвешка преку Унгарија до финале на ЕП

Селекцијата на Норвешка ја оправда фаворитската улога и славеше над Унгарија со 30:22 во првото полуфинале на Европското првенство.

Бранителот на титулата покажа дека е на повисоко ниво од Унгарките и сега мирно ќе може да го проследи вториот меч, втората битка за финалето која ќе ја водат Франција и Данска.

Норвежанките одиграа цврсто во одбраната, доволно ефикасно во нападот и обезбедија место во последниот меч на турнирот на кој настапуваше и македонската репрезентација. Рејстад со седум гола беше прво име кај победникот, Клујберт имаше пет реализации на другата страна.

Претходно во битката за петтото место Шведска беше подобра од Холандија со 33:32.