Норис за неверојатната победа на Ферстапен: Тоа не е талент, тоа е само среќа (Видео)

Ландо Норис имаше недела за заборав во Формула 1, бидејќи претендентот за титулата практично остана со минимални шанси за такво нешто после лошото издание кое го имаше на Интерлагос .

Британецот направи серија грешки во текот на трката и на крајот заврши шести во ситуација кога стартуваше прв, а за разлика од него, Макс Ферстапен напредуваше 16 позиции и од 17-то место стигна до првото.

Холанѓанецот за првпат славеше во Формула 1 по пауза од десет трки и стави крај на лошиот период за Ред Бул, но 62-та победа во кариерата му донесе и 62 бода предност во однос на главниот ривал за титулата.

Норис не профитираше од тактичкиот пристап на Мекларен со рано влегување во бокс, во прилог не му одеше и црвеното знаме кое се покажа по судирот на Колапинто, па од главен фаворит за победа, на крајот мораше да се задоволи само со осум освоени бода во Бразил.

– Денеска немавме среќа, а тие имаа многу среќа. Не требаше да се покаже црвено знаме, тоа е моето мислење. Но, тоа е што е, таков е животот. Во една трка секогаш имате некој влог, а денеска тие добија награда што не влегоа порано во пит-стопот. Тоа не е талент, тоа е само среќа, – изјави Ландо за неверојатниот кам-бек на Ферстапен.

"It's not talent, it's just luck" 😭😭

what a sore loser man pic.twitter.com/U7zrGnk9Om

— ali (@dxbestani) November 3, 2024