Ноле ќе мора да почека за 100. титула во кариерата: „Џинот“ Опелка го фрустрираше Ѓоковиќ во Бризбејн (Видео)

Новак Ѓоковиќ ќе мора да почека на својата јубилејна 100-та титула во професионалниот тенис, потфат кој планираше да го реализира оваа недела, но за кој очигледно сега ќе чека нова прилика.

Српскиот тенисер одигра два добри меча во Бризбејн и најави дека е во одлична форма на стартот на новата сезона, но третиот меч му го донесе и првото разочарување.

Ноле влезе како апсолутен фаворит во четвртфиналето со Рејли Опелка, но американскиот „џин“ не само што се покажа како незгоден противник, туки излезе и подобар ривал на теренот.

Моќниот сервис на Опелка му правеше огромни проблеми на Новак во текот на целиот меч, а се чини клучен беше првиот сет во кој се играше неизвесно до самата завршница.

Опелка излезе подобар во тајбрејкот и ја искористи втората сет топка за 8:6, резултат кој го осоколи да го напаѓач и сервисот на Новак во продолжение.

Рејли прв направи брејк и поведе со 3:1, а потоа до крајот го задржа својот сервис и славеше со 7:6 и 6:3 за своја најголема победа во кариерата.

Американецот го победи Ѓоковиќ како 293-ти тенисер на АТП листата, а само за потсетување, негов најдобар ранкинг беше 17-то место во 2022-ра година. Негов противник во полуфиналето во Бризбејн ќе биде Французинот Мпетши Перикар.

Bad night to be a tennis ball when Reilly Opelka is around.

He *CRUSHES* a 30th winner on the night to break Novak Djokovic, then holds and leads 7-6(6) 4-1!#BrisbaneTennis pic.twitter.com/tcyQ2bGnpt

— Brisbane International (@BrisbaneTennis) January 3, 2025

Sealed with an ace ✅

Reilly Opelka upsets top seed Djokovic 7-6 6-3, securing his spot in the final four in Brisbane!#BrisbaneTennis pic.twitter.com/1zIPG2Huaf

— Tennis TV (@TennisTV) January 3, 2025