Нојер за евентуалниот повик од Нагелсман по повредата на Тер Штеген: Би му кажал само една работа

Повредата на Марк-Андре Тер Штеген не е проблем само за Барселона, туку и за германската репрезентација, посебно во периодот кога се очекуваше конечно да го заземе заслуженото место на прв голман на трофејната селекција.

Мануел Нојер претходно најави дека се повлекува од националниот тим, па Тер Штеген требаше да ја преземе неговата улогата на стартер во составот на Јулијан Нагелсман. Повредата активираше шпекулации за повлекување на одлуката, па голманот на Баерн вчера морал да разговара со новинарите на оваа тема.

– Знаете дека се повлеков на сопствена иницијатива и во овој момент е важно да се потенцира дека имаме доверба во нашите голмани, – рекол Нојер.

На прашањето што би рекол ако добие повик од Нагелсман, Нојер имал повеќе од коректен одговор.

– Би му рекол дека имаме најмалку двајца одлични голмани во Оли Бауман и Алекс Нибел, а тука се и Бернд Лено и Кевин Трап. Нема потреба да биде загрижен, – потенцирал искусниот Нојер.