Нкунку се јави од Париз и откри каде ќе ја продолжи кариерата: Немојте да се грижите (Видео)

Кристофер Нкунку имаше сезона за паметење во Германија и постигна 35 гола на 50 натпревари за Лајпциг, па поради тоа го сврте вниманието на себе и се доведе во ситуација да размислување за враќње во матичниот клуб.

Во една од своите последни изјави, самиот Нкунку му се понуди на ПСЖ и порача дека сака да се врати на „Паркот на принцовите“ за докажување во првиот тим, но сепак 24-годишната сензација во Бундеслигата ќе остане уште малку во германскиот фудбал.

Нкунку е на одмор во родниот Париз и оттаму се јави со порака за својата иднина, односно за да соопшти дека потпишал нов договор со Лајпциг кој го обврзува на верност до 2026-та година.

– Поздрав од Париз, но немојте да се грижите, се враќам брзо во Лајпциг. Доаѓам за да останам, напред Лајпциг, – порача Нкунку.

Со новиот договор, Нкунку добива подобри финансиски услови, но според угледните медиуми од Германија, постои клаузула според која ќе може да биде откупен од европски великан за 60 милиони евра, точка која ќе може се активира наредното лето во 2023-та година.

Greetings from Paris 👋💌

🔴⚪ #WeAreLeipzig @c_nk97 pic.twitter.com/tIApbnNPWd

— RB Leipzig English 🏆 (@RBLeipzig_EN) June 23, 2022