Њукасл го најави враќањето на Тонали

Сандро Тонали полека ги одработува последните денови од суспензијата поради нелегалното обложување на фудбалски натпревари, а неговиот клуб Њукасл денеска објави кога може да се очекува неговиот камбек.

Италијанскиот репрезентативец ја пропушти речиси цела претходна сезона поради прекршувањето на правилата за обложување, а суспензијата му истекува на 28. август.

Тоа значи дека Тонали ќе ги пропушти првите натпревари од новата сезона, но може да биде во комбинација за дуелот против Тотенхем, закажан за 1. септември.

Тонали доби 10-месечна суспензија од Италијанската фудбалска федерација, а истата му важеше и за англиската фудбалска сцена, при што одигра само 11 натпревари и постигна 1 гол во дресот на својот нов клуб Њукасл.

🇮🇹 We can announce that Sandro Tonali will return to selection on Wednesday, 28 August following the conclusion of his ten-month ban from competitive football pic.twitter.com/M50U0fkwOQ

— Newcastle United FC (@NUFC) August 15, 2024