Николов втор стрелец и најдобар асистент во драматичната победа на Џеди Осман Баскет (ВИДЕО)

Македонскиот репрезентативец, Кристијан Николов имаше значајна улога во победата на Пицабулс Џеди Осман Баскет над Финалспор (93:90) во втората лига на Турција.

Се водеше жестока борба, беше неизвесно до самиот крај, а како пресудна се покажа последната четвртина која гостите ја добија со 25:18. Гостите го имаа неверојатниот Барнс со 43 поени и 7 скока, но веднаш зад него беше Николов кој уфрли 17 поени, собра 3 скока и беше најдобар „додавач“ во својот тим со 6 асистенции.

Со денешниот резултат Џеди Осман Баскет ја прекина серијата од четири порази во низа, па со учинок 8-9 е на 9 место на табелата.