Николиќ нема да го води МЗТ Скопје на најважниот меч во АБА лигата

МЗТ Скопје утре го игра најважниот меч во оваа сезона во АБА лигата, меч против Сплит кој мора да го добие ако сака да остане во игра за опстанок во ова натпреварување.

Македонскиот првак ги загуби сите мечеви надвор од Аеродром и ќе има исклучително тешка задача против хрватскиот претставник, поточно ќе мора да бара големо изненадување. Нов проблем за „металците“ е тоа што до тој позитивен резултат ќе мора да стигнат без услугите на тренерот Драган Николиќ.

Николиќ се уште е позитивен на коронавирусот и поради тоа тој ќе остане во Скопје, однос екипата ќе ја води неговиот асистент, Васко Атанасов.

Атанасов има искуство во оваа улога, го има водено составот на четири средби и засега има перфектни 4-0, па „штрковите“ се надеваат дека таа серија ќе продолжи и во Сплит.

Натпреварот е закажан за утре од 18 часот.