Николиќ: Не сум доживеал ваков аплауз, верувам ќе успееме да дојдеме до посакуваната цел

Екипата на МЗТ Скопје беше многу блиску до големо изненадување во пресметката со Будуќност, меѓутоа не успеа да го зададе тој завршен удар откако се врати од минус 19, односно на крајот мораше да му ја честита победата на фаворитот во СЦ „Јане Сандански“.

Сепак карактерот, упорноста која „металците“ ја покажаа во ситуација во која не можеа да сметаат на двајца важни играчи во имињата на Миќовиќ и Кук му дава надеж, оптимизам на тренерот Драган Николиќ дека оваа екипа ќе може да дојде до посакуваните резултати во АБА лигата во наредниов период.

-Честитки за Будуќност на победата. Верував дека може да изненадиме вака добар ривал, но ни недостасуваа повредениот Кук и болните Миќовиќ и Пандев. Ретко која сум доживеал да добијам ваков плауз од цела сала при пораз. Тоа скандирање на публиката не го доживува секој тренер, навистина ми е драго што го почувствував, тоа е доказ дека одигравме добро и го оставивме срцето на терен. Доколку играчите продолжат со оваа енергија, верувам дека ќе успееме да дојдеме до посакувана цел, -порача Николиќ.

„Штрковите“ во наредното коло се соочуваат со Студентски Центар.