„Никола Јокиќ може да стане најдобар центар на сите времиња“

Карим Абдул-Џабар, Бил Расел, Шекил О’Нил, Вилт Чембрлен, Хаким Олајџувон, Мозес Мелоун, Дејвид Робинсон, Патрик Јaнг… Кога ќе одлучи дека е време да се пензионира, Никола Јокиќ би можел да има поголема кариера од кој било од нив.

Така барем мисли Никола Вучевиќ, НБА ветеран и повеќекратен Ол-стар. Црногорскиот репрезентативец, инаку голем пријател на неговиот истоименик Јокиќ, ја коментираше кариерата на српскиот центар во Љубљана.

Таму беше по повод прошталниот натпревар на Горан Драгиќ.

„Судејќи според она што го покажа досега, Јокиќ дефинитивно е меѓу најдобрите играчи во историјата на кошарката. Три награди за МВП, титула, статистика, настапи на Ол Стар… Неговото CV е одлично, а му останува уште многу да игра пред да заврши кариерата. Сигурно кога ќе заврши ќе биде меѓу најдобрите играчи во историјата на кошарката, можеби и најдобриот центар на сите времиња. Колку подолго го прави тоа на ова ниво, сигурно ќе остави толку длабока трага што ќе биде тешко некој да дојде токму така да го собори. Тој веќе сега е најдобриот играч на светот, а кога ќе заврши ќе биде меѓу најдобрите на сите времиња“, изјави Никола Вучевиќ за Меридијан спорт.