Нико Вилијамс ја исфрли Рома од ЛЕ, Лацио со многу мака до билет за четвртфиналето (ВИДЕО)

Атлетико Билбао ја победи Рома со 3-1 и со вкупни 4-3 обезбеди место во четвртфиналето на Лига Европа.

Гостите уште во раната фаза (11 минута) останаа без Хумелс кој заработи директен црвен картон и веднаш стана јасно дека на калчолигашот ќе му биде потребно чудо за да се пласира во наредната рунда затоа што „Сан Мамес“ е терен каде паѓале и поголеми екипи од „волчицата“.

Во елемент беше Нико Вилијамс кој постигна два гола, стрелаше и Берчиче, додека почесниот погодок за Рома беше дело на Паредес од пенал во 93 минута. (ОВДЕ погледнете ги головите)

Лацио со доста мака го потврди пласманот меѓу осумте најдобри, односно се спасуваше од пораз против Плзен и со тоа воедно спречи продолженија на „Олимпико“.

Гостите водеа од 52 минута преку Сулц, водство од 1-0 кое беше активно до 77 минута кога Ромањоли со удар со глава некако ја смести топката зад линијата на голманот Једлицка. (ТУКА погледнете ги головите)

Олимпијакос оствари пирова победа над Бодо до 2-1, додека Ајнтрајт во Франкфурт го разби Ајакс со 4-1.