Нико Паз го рекреираше незаборавниот дриблинг на Бергкамп и ја воодушеви цела Италија (Видео)

Реал Мадрид будно го следи прогресот на Нико Паз во Комо и само прашање на време е кога ќе го врати во своите редови, односно водечките луѓе се двоумат дали да го вратат претстојново лето, или да го остават уште една сезона во тимот на Сеск Фабрегас.

Талентираниот Аргентинец прераснува во голема ѕвезда во Серија А и денеска понуди неколку магии од својот богат репертоар, па покрај асистенција за победа над Наполи, презентираше и еден технички квалитет каков што ретко се гледа во модерниот фудбал.

Нико потсети на старата фудбалска школа и го рекреираше незаборавниот дриблинг на Денис Бергкамп, па иако тоа го направи на средината на теренот, тоа беше доволно за да прерасне во вистински хит на социјалните мрежи.

Легендарниот Бергкамп продаде ваков дриблинг на натпервар против Њукасл пред 25 години, а затоа оваа мајсторија на Нико Паз предизвика емоции и кај повозрасните носталгични фанови.

Инаку, Комо денеска славеше на домашен терен со 2:1 и му нанесе незгоден пораз на Наполи, натпревар на кој Паз ја имаше асистенцијата за победничкиот гол.

Магијата погледнете ја ТУКА