Ни скапоцените засилувања не му помагаат на Челси, Фулам со голем бод се враќа од „Стемфорд Бриџ“

Екипата на Челси и покрај лошата сезона досега важеше за голем фаворит на денешната пресметка против Фулам која се играше на „Стемфорд Бриџ“.

Тоа пред се беше поради фактот што клубот потроши 323 милиони фунти во јануарскиот преоден рок и сериозно го засили својот тим во кој од првата минута на овој натпревар се најдоа неколку играчи кои за жал на навивачите не успеаја да донесат ништо ново.

Челси повторно не победи, овојпат ремизираше без голови против Фулам кој на „Стемфорд Бриџ“ прикажа одлична одбранбена игра која доби низа пофалби од фудбалските критичари на Островот.

Челси во чиј тим дебитираа и Енцо Фернандез и Нони Мадуеке имаше позрели шанси, но на крај не ги искористи па од овој натпревар ќе мора да се задоволи само со реми, кое според многумина е рамно на пораз.

Фулам, пак, продолжува со одличната сезона и со овој освоен бод се наоѓа на шестата позиција на табелата во Премиер лигата, три позиции над Челси кој е деветти.