НФЛ тимот Вашингтон се поблиску до менување на името

Членот на НФЛ, професионалната лига во американски фудбал, Вашингтон Редскинс е под голем притисок да го промени името, со оглед на навредливиот тоналитет на сметка на американските староседелци.

Главните спонзори предводени од „Федекс“ повторно ја разгледуваат опцијата за исфрлување на името Редскинс, а темата се актуелизираше поради засилената борба против расизмот која се интезивираше по убиството на Џорџ Флојд.

„Федекс“ ги има откупено правата за името на стадионот на Вашингтон до 2025 година, а сопственикот на компанијата е и акционер во клубот, па со поддршката на другите спонзори, се обидува да најде решение за овој проблем кој со години наназад му носи негативен публицитет на составот од американската престолнина.

Уште пред шест години, индијанското племе Онеида побара исфрлување на Редскинс од франшизата, но тогаш не беше донесена таква одлука, но сега притисокот е зголемен, а компанијата „Најки“ дури ги исфрлила артиклите на Редскинс од својата онлајн продажба.

Останува клубот да реши како ќе се „ребрендира“, бидејќи очигледно е дека името Редскинс нема да биде уште долго дел од НФЛ „речникот“.