Незаинтересираниот Де Паул со своето дефанзивно движење ги шокираше фановите на Атлетико (Видео)

Атлетико Мадрид стартуваше со реми на „Керамика“ стадионот во новата натпреварувачка сезона во Ла Лига, со тоа што мора да се напомене дека тимот од престолнината беше тој кој беше поблиску до пораз.

Вилјареал двапати водеше со 1:0 и 2:1 и во самата завршница бркаше гол за 3:2, но Атлетико успеа да одолее и се избори за реми кое не ги задоволи амбициите на фановите.

Тимот на Чоло Симеоне во воведната рунда одново ги покажа истите проблеми од минатата сезона, односно изгледа многу ранливо во одбрана, нешто што во минатото беше незамисливо за тимот на Аргентинецот.

Згора на тоа, фановите воочуваат дека дел од фудбалерите не играат со исто залагање како порано, а посебно на удар се најде Родриго Де Паул.

Аргентинецот имаше едно лошо и непрофесионално движење непосредно откако влезе во игра, а таквиот индолентен однос му донесе безброј критики на социјалните мрежи.

Lino llevaba 80 minutos corriendo sin parar y el pachorra de De Paul no es capaz de echarle una mano en defensa cuando llevaba 10 minutos en el campo. Vergonzoso. pic.twitter.com/sNeC1lZBWB

— adri (@adrii_atm) August 20, 2024