Невообичаен потег: Ал Итихад пробува да ангажира ѕвезда на Ал Наср

Клубовите од Саудиска Арабија веќе се познати по своите големи инвестиции во странски докажани фудбалери, а најистакнатите претставници на азиската земја досега вообичаено размислуваа само за трансфери од европските клубови.

Но, Ал Итихад е решен да направи мала промена и да реализира невообичаен трансфер, во кој во Џеда би бил доведен Садио Мане од ривалот Ал Наср.

Сенегалецот дојде во Саудиска Арабија од редовите на Баерн, а сега тренерот Лорен Блан и првата ѕвезда Карим Бензема се убедени дека Мане е тоа што му недостасува на поранешниот шампион.

Англиските медиуми тврдат дека самиот Бензема го убедувал раководството да го обезбеди потписот на Мане, со што би се реализирала уште една инвестиција во интернационална ѕвезда.

Ал Итихад во овој преоден рок веќе ги доведе Муса Диаби од Астон Вила и Усем Ауар, а има можност да реализира трансфери до 6. октомври.