Невил за одличното издание на фудбалерот на Фулам против Челси: Порано бевме исмевани, сега сме во мода

Поранешниот фудбалер на Манчестер Јунајтед кој се прослави играјќи на позицијата десен бек, Гери Невил имаше доста интересно видување за еден фудбалер на Фулам кој одигра блескаво против Челси во ремито (0:0) на „Стемфорд Бриџ“.

Кени Тете одигра перфектно во дефанзивата и беше еден од најзаслужните фудбалери на Фулам за освоениот бод против силниот Челси во чиј тим беа и скапоцените засилувања доведени во јануарскиот преоден рок.

Невил го испофали Тете за неговата претстава против Челси и не пропушти да спомене дека десните бекови сега „се во мода“, за разлика од времето кога играл тој кога често биле исмевани.

– Тете беше неверојатен во неверојатната дефанзивна претстава на целиот тим на Фулам. Десните бекови беа исмевани со години, но сега сите сме во мода, -изјави Гери Невил по натпреварот одигран на „Стемфорд Бриџ“.