Невил верува во Арсенал: Можат да ја освојат титулата, единствената грижа…

Арсенал веќе две децении нема пехар во Премиер лигата што е навистина голем период за клуб кој важи за еден од најдобрите во Англија, но тоа според Гери Невил може да се промени оваа сезона и на „Емирејтс“ да слета посакуваниот трофеј.

„Топчиите“ беа блиску во минатата кампања, ама лошата завршница ги остави без првата позиција која ја зазема Манчестер Сити. Клубот од Лондон направи сериозни вложувања во летниот преодек рок и сега по 12. кола е на третото место со 27 бода или поточно има само еден помалку во однос на лидерот Сити.

-Мислам дека Арсенал може да ја освои лигата оваа сезона. И покрај тоа што почнаа бавно, фудбалот ќе дојде, фудбалот што го видовме од нив минатата сезона. Фактот дека тие почнаа малку побавно, никогаш не мислам дека е лоша работа, тие беа таму во глутницата зад врвот.

-Но, мислам дека кога ќе дојде фудбалот, а може да дојде по Божиќ во март, што е вистинското време, тие би можеле да бидат спротивно од минатата сезона – малку бавен почеток и посилен финиш -рече Невил кој е загрижен само за централната напаѓачка позиција.

-Мојата грижа за Арсенал е центарфор, ми се допаѓаат Габриел Жезус и Еди Нкетија, но за мене тие се број два и три, им треба број еден, заклучи англиската легенда.