Невил: Тен Хаг може да се најде под огромен притисок…

Манчестер Јунајтед не се прослави во сезоната 2023/2024 во која единствената светла точка е освоениот ФА Куп и тоа во дуелот со Манчестер Сити кој беше „да се биде или не“ за излез во Европа.

Меѓутоа повеќе од јасно е дека Јунајтед мора да биде на повисоко ниво, далеку од тоа освоено осмо место во Премиер лигата, па Гери Невил како легенда на клубот даде свое видување пред стартот на новата кампања која „црвените ѓаволи“ ќе ја отворат против Фулам.

-Се надевам дека Ерик Тен Хег сепак ќе биде менаџер на Манчестер Јунајтед до крајот на сезоната. Нема сомнеж дека ако Јунајтед има навистина лош старт и резултатите се исти како минатата година, Тен Хаг многу брзо ќе се најде под огромен притисок. Ама јас сум всушност тивко оптимист за Манчестер Јунајтед. Само мислам дека потписите што ги носат се од различен профил од она што го купуваа во минатото.

-Групата луѓе што ги има сега во клубот, од сопственик до спортски директор, нема да ги направи истите грешки што ги направи клубот во последните три или четири сезони. Тие трошеа пари и направија потписи за кои знаевте дека во одреден момент ќе предизвикаат притисок врз нив. Профилот на играчите што сега ги доведуваат се вистински.

-Потребен им е помлад, побрз, атлетски и поенергичен фудбалски тим, и мислам дека тоа е она што ќе го видите од Манчестер Јунајтед оваа година, -порачува Гери за „Скај Спортс“.