Невил суров кон еден првотимец на Јунајтед: Не ми е јасно како се уште е во клубот!

Манчестер Јунајтед повторно потфрли на домашен терен и доби фудбалска лекција од Њукасл во Карабао Купот, а тоа беше причина плус за Гери Невил да ги оправда сите лоши зборови кои ги упатува за одговорните луѓе во клубот веќе со години наназад.

Легендарниот Гери вели дека повремено и самиот се замислува и се прашува дали можеби е прежесток кон фудбалерите и сите вработени на „Олд Трафорд“, но сега самиот вели дека примери како Антони Марсијал му даваат за право да биде уште пожесток преку студиските обраќања.

– Понекогаш самиот се прашувам дали сум премногу дрзок и нападен кога се враќам во недела навечер во мојот дом. Се прашувам дали сме премногу сурови со нашите коментари.

– Но, кога ќе слушнете дека играч како Марсијал е во клубот речиси години, а чинеше 50, 60 или 70 милиони фунти, тогаш сметам дека не сме премногу сурови. Постигна 89 гола за 9 сезони и се уште не сме го избркале од клубот, не ми е јасно како се уште е тука.

– Неуспесите на фудбалскиот оддел и регрутирањето на играчи се апсолутно неверојатни. Сите се играчи и сакаат да играат, но ова не е било кој клуб, ова е Манчестер Јунајтед, – вели Невил.