Невил со жестоко критики за Јунајтед: Ова беше срамен настап, ме шокираа…

Манчестер Јунајтед беше надигран од Тотенхем со 3-0 во дербито на колото во Премиер лигата.

Двата тима си имаат проблеми во актуелнава сезона, па се очекуваше многу битка, борба за секоја топка, педа на теренот, ама на крајот мечот отиде во еден правец, доминација на „петлите“ кои можеа да слават и уште победливо ако голманот Андре Онана не беше на висико ниво.

Поранешните играчи на Јунајтед дефинитивно беа разочарани од изданието на „Олд Трафорд“, а меѓу оние кои беа најдиректени беше Гери Невил.

-Мора да решат некои работи во соблекувалната. Првото полувреме беше толку лошо колку што е. Ова е шокантен ден, отрезнувачки ден. Ова е навистина лош ден за Тен Хег, рече Гери и додаде:

-Тоа го сумира Манчестер Јунајтед во првото полувреме (црвениот картон на Бруно). Тие беа апсолутна срамота. Ова беше еден од најлошите настапи што сум ги видел под Тен Хаг. И тоа нешто кажува. Ова е навистина лошо. Денешниот ден ме шокираше за тоа колку ниско паднаа, -порача Невил.