Невил со брутална изјава: Само еден играч на Јунајтед може да биде во тимот на Тотенхем

Манчестер Јунајтед продолжи да останува без бодови на натпреварите во Премиер лигата, па така вчера го претрпе 12. сезонски пораз во 25. натпревар и тоа на гостувањето во Лондон кај Тотенхем.

Ова беше дуел на два тима кои се соочуваа со исти проблеми, два тима на исто ниво, ситуација ако се земат предвид проблемите со повредите, неоправданите високи очекувања и позициите на табелата, битка која на крајот ја добија домаќините со голот на повремениот англиски репрезентативец Џејмс Медисон во првото полувреме.

Новото издание донесе нови критики за Јунајтед, менаџерот Рубен Аморим, но според Гери Невил ова во моментот е некоја реална слика притоа порачувајќи дека само еден играч на клубот е „Олд Трафорд“ е квалитетен за да се најде во тимот на „петлите“.

-Зборуваме за тоа дека играчите на Манчестер Јунајтед не се доволно добри. Земете ги најдобрите играчи на Тотенхем, Поро, Удоги, Ван де Вен, Ромеро, Бисума, Сар, Медисон, Соланке, Кулушевски, Џонсон, Тел. Колку играчи на Манчестер Јунајтед би биле во тој тим на Тотенхем ако сите беа фит? Мислам дека тоа би бил Бруно Фернандеш, вие би го посакале таму. Можеби Амад, но да бидам искрен, ако изборот е меѓу Кулушевски или Амад, веројатно би го одбрал Кулушевски.

-Значи, мојата поента е дека секој играч на Тотенхем освен еден е подобар од секој играч на Манчестер Јунајтед. Тоа не е емотивно или навредливо, само е навистина тажно што таму се наоѓа Манчестер Јунајтед во моментов, тие ги немаат играчите. Има многу неизвесности на и надвор од теренот и се надеваме дека Рубен Аморим ќе добие време да се обнови тимот во следните две години, но секој играч на Тотенхем влегува во тимот на Манчестер Јунајтед – веројатно освен Бруно – и тоа е проблем, -порача легендата на клубот од Манчестер.