Невил со брутален заклучок за играта на Јунајтед: Ова е најлош тим во Премиер лигата, се издвојува само еден играч!

Гери Невил покажа симпатии кон Џошуа Зиркзе и му даде поддршка на Холанѓанеот откако напаѓачот беше повлечен од Рубен Аморим по само 33 минути игра, но опсежната анализа која ја направи легендата на Манчестер Јунајтед води кон проблем кој е многу поголем и потежок за актуелниот менаџер на првиот тим.

Невил потенцира дека лошата форма на Зиркзе е најмал проблем за португалскиот стручњак, а во бескомпромисната анализа која ја направи, не пропушти да нагласи дека Јунајтед во моментов е најлош тим во Премиер лигата.

– Њукасл си поигруваше со Манчестер Јунајтед, едноставно ги малтретираа на секој дел од теренот. Кога го гледате овој стартен тим на Манчестер Јунајтед, сигурно веќе размислувате дека истиот не може да игра добар фудбал.

– Крилните бекови не се добри во офанзивна смисла, централните играчи за врска не можат да трчаат, тројцата играчи во одбрана немаат доволно свежина. Зиркзе изгледа небалансирано во партнерство со Хојлунд, тоа се проблеми кои тешко дека ќе бидат решени. Кога го гледате тимот, го имаме само Амад Диало кој може да направи нешто.

– Њукасл правеше што сакаше, можеше да води со 0:4 на полувреме. Јунајтед беше ужасен во секој поглед, најверојатно го гледаме најлошиот тим во Премиер лигата во овој момент, – посочи Невил.