Невил: Слот покажа бескрупулозност, но беше во право

Гери Невил во својот последен подкаст ја коментирал првата премиерлигашка победа на Ливерпул под водство на новиот менаџер Арне Слот и потенцирал дека холандскиот стручњак повлекол добри потези.

Ливерпул славеше над новиот премиерлигаш Ипсвич со добра игра во второто полувреме, а Невил посебно потенцирал еден потег на менаџерот.

– Слот беше бескрупулозен во однос на Џарел Куанса.

– Менаџерите вообичаено избегнуваат да направат замени на полувреме затоа што таков потег може да донесе многу критики и шпекулации, но тој го направи тоа без никаков проблем.

– Беше бескрупулозен, но беше во право, Ливерпул не ги добиваше дуелите и тоа се промени во вториот дел. На крајот победникот беше решен од десната страна, каде Александер-Арнолд и Салах го искористија своето искуство, а движењата на Мо беа премногу сложени за Ипсвич, – рекол Невил.