Невил: Премиер лигата не може да продолжи до јули

Гери Невил внимателно ја следи ситуацијата со обиди за рестартирањето на Премиер лигата и вели дека клубовите не се подготвени да играат фудбал од јуни.

Британската влада даде зелено светло за спортски настани без публика од 1 јуни, но поранешниот дефанзивец на Манчестер Јунајтед не гледа како лигата би продолжила за помалку од еден месец.

– Не верувам дека некој е начисто со ситуацијата во оваа земја, Премиер лигата се уште „виси“ поради недоволно јасниот протокол за продолжување на сезоната.

– Веќе многу сме блиску до јуни и можеби во моментов најдобро е да се размислува за рестартирање на првенството од почетокот на јули, – смета Невил.

Покрај опасноста од коронавирусот, Премиер лигата има и други предизвици, како што е предлогот за играње на натпреварите на неутрален терен, против кој јавно се спротивставија неколку клубови.