Невил по лондонското дерби: Станува жешко за Раја

Арсенал успеа да се врати од негатива од два гола на дербито со Челси, но тоа нема да го спречи менаџерот Микел Артета да ги анализира грешките на своите фудбалери на гостувањето на „Стемфорд Бриџ“.

Во прв план е голманот Давид Раја, кој продолжи со киксевите и вчера дозволи да биде совладан од Мудрик од невообичаена ситуација, а Гери Невил вели дека и самиот Шпанец е свесен дека е во големи проблеми.

– Раја го започна својот престој во Арсенал добро, но потоа имаше лош настап во Лигата на шампионите, во првото полувреме против Сити и сега овој натпревар со Челси.

– Станува жешко за него, го има тој изглед на лицетот како да вели „помош“.

– Настапува на најтешката позиција, а кога си дел од еден од најголемите клубови во лигата, притисокот е уште поголем. Да биде јасно, Артета ја создаде оваа ситуација за ривалство со Рамздејл, невообичаено е, но тој вели дека може да функционира.

– Јас никогаш не верував во такво нешто, а сега со свои очи гледаме дека предизвикот станува притисок. Прво Рамздејл не се прослави, а сега и Раја почна да прави грешки, – рекол Невил.