Невил издвои три имиња кои се најпријатно изненадување во Премиер лигата

Пред нас се нови возбудувања во англиската Премиер лигата, а во пресрет на истите англиската фудбалска легенда Гери Невил издвои три имиња кои според него се најпријатно изненадување во досегашниот дел на шампионатот.

Има доста играчи кои играат на навистина високо ниво, а Гери ги издвои оние од кои е воодушевен поточно на него му оставиле силен впечаток во тоа што го одиграле во претходните единаесет кола.

-Гравенберх е големо изненадување со тоа колку добро игра на почетокот на сезоната. Мислам дека никој не очекуваше тој да биде толку добар како што беше на таа позиција [во средниот ред]. И Џонс беше многу добар.

-Крис Вуд со осум гола мора да се најде во првата тројка, Лијам Делап со шест гола за Ипсвич. Не сум изненаден од Дени Велбек, тој е многу добар – неговата моментална форма е подобра од кој било актуелен преден играч на Јунајтед оваа сезона. Морган Роџерс во Астон Вила може да биде топ. Би го ставил Вуд како број еден, Делап број два и Гравенберх три, -смета некогашниот ас на Јунајтед.