Невил: Арсенал треба да биде горд по резултатот на „Енфилд“

Арсенал испушти два гола предност на „Енфилд“, а на крајот стравуваше и од целосен пресврт по големиот притисок на Ливерпул.

Ремито носи бод за „топчиите“, но и намалување на предноста во однос на Манчестер Сити по оваа рунда, по која тимот на Гвардиола има шест бода помалку и натпревар помалку.

Според Гери Невил, Арсенал треба да биде задоволен, бидејќи овој бод може да биде клучен во трката за титулата.

– Ова е навистина добар резултат за Арсенал.

– „Енфилд“ е ненормално место, на овој стадион се случуваат работи кои не можете да ги видите на друго место. Никогаш не сте безбедни, дури ни кога водите со 2:0.

– Некој може да каже дека Арсенал испуштил победа и ја ризикува титулата, но според мене фудбалерите и Артета треба да бидат горди. Јасно е дека постои опасност да изгубат уште некој бод во продолжение, но ќе се надеваат дека истото ќе му се случи и на Сити, – вели Невил.